Supernatural Beliefs

Share ko lang experience ko sis. 2-3 months ko sa bundok ako namalagi sa bukid namin. Ako lang dun at tatay ko. Minsan dun natutulog kuya ko at pamilya nya. Wala kaming kapitbahay pero sa tabi lang ng highway yung sakahan namin. Mga 10 minutes kung lalakarin mula sa baryo. Isang gabi, tapos ng hapunan namin, nakaupo kaming lahat sa beranda, syempre madilim paligid at maririnig mo lang mga huni ng kulisap at minsan pag may mga motor o sasakyan na dumadaan, maririnig mo rin. Mga prutas halos nakapaligid sa bahay. Sa kalagitnaan ng pag uusap namin, may tiktik na dumaan. Pero mahina lang. At alam mo naman sa baryo, well known kung sino ang may ari ng mga ganyan. Lalo na wakwak. Hindi namin pinansin kasi mahina naman. Katabi ko papa ko. Pagka lipas ng mga 3 minuto, bigla nalang ako napasigaw at napalundag dahil sa gulat. Yung halos nasa likod ko na yung tiktik. Sabi ng papa at kuya ko, kinausap nila yung tik-tik, wala kaming ginagawang masama sayo at kilala ka namin. Kaya wag kang gumawa ng masama dito. Pero sis shookt talaga ako. 😱 Hindi ako natakot para sa sarili ko kundi sa baby ko. Kaya simula nun, hindi na nawawala rosaryo sa bulsa ko, araw gabi. At dun sa kwarto ko, nilalagyan ko ng bawang ang bintana at asin. Kasi minsan nagigising ako ng mga 2 or 3 am kasi nagugutom ako, pumapapak nalang ako ng biscuit habang pinapakinggan ang tiktik na umiikot sa bahay. Tapos naririnig ko papa ko humihilik so ibig sabihin ako lang ang gising. Kaya advise sakin, magsuot ng tops na maitim tuwing gabi. Kaya dinoble ingat ko sarili ko. Sweater or tshirt na maitim suot ko pag gabi. Rosary iniipit ko sa unan ko at sa gilid ng kulambo may bawang din. Hindi naman talaga ako naniniwala masyado sa mga pamahiin pero ayoko e risk yung baby ko. At nagagalit din papa ko pag may mga damit akong nakasampay la sa labas at naabutan ng dilim kasi mabango daw tayong mga buntis sa mga masasamang elemento. Di nya rin ako pinapalabas ng bahay pag 6pm na. Or kung naabutan ng dilim sa labas, kelangan may takip ang ulo mo. Pray lang din talaga sis.