Rashes sa puwet

Ang puwet ng baby ko ayaw mawala ang mahapdi na rashes. Parati ito na problema ng mga babies. Yung mga common na rason ay acidity. Sometimes ang mga dumi ng baby ay medyo malambot. Yung parang mga buto ng kamatis ang itsura. Malaking chance na medyo acidic ang dumi niya. Kapag yung pupu niya ay nagistandby ng medyo matagal sa diaper napapaso yung pwet ng baby at kaya nagrarashes. Kapag hinugasan mo ang pwet at sya ay umiyak dahil sa hapdi most likely nga ito na yung cause ng acidic na dumi. Ang dapat mong gawin ay kapag dumumi ay dapat tangalin kaagad ang diaper at hugasan ang pwet ng running water at sabonan ng maigi na talagang bumula. Kahit sya ay umiiyak sa hapdi ay kailangan mong pabulain dahil ang bula lang ang makakatangal ng acid mula sa dumi dahil may pagkamantikain yun at gaya ng sebo ay bula lang makakatangal. Karamihang mali ng iba ay baby wipes lang o cotton water lang ang gamit. Kung naghuhugas ba kayo ng plato, pwede ba wipes lang cotton? Di ba hindi? Dahil alam natin na ang sebo ay di natatangal kung walang bula. Diba sa mga commercial pinagyayabang nila mas mabula ang cleanser or sabon nila? Ganun rin ang tao marami tayong sebo. Kahit pawis natin ay sebo rin kaya kapag di masyado bumubula kapag pinaliguan ay dadami ang bungang araw. Ngayon sa pwedeng ipahid sa rashes na mahapdi sa pwet, maganda yung may Zinc oxide. Ang common dyan ay yung Calmoseptine at Rashfree at marami pang iba. Dok ginamit ko na yan di pa rin nawawala? I always answer baka di mo gaanong sinabonan bago mo inapply. At ang isasagot nila ay oo nga pala wipes lang gamit namin. Another is to shift ang milk tempoarily to Lactosefree milk like one to two weeks para pumorma muna ang dumi. Ganun din kasi ang lactose intolerance. Syempre kapag persistent dapat pakonsulta ninyo dahil madami pa pong ibang rason gaya ng fungus or allergy (ibang topic na naman yun). Dr. Richard Mata Pedia