Ano ba talaga ang TIKTIK?

Naalala ko lang, 8 years ago nung buntis yung ate ko sa panganay nya. Dun kami nakatira sa bahay ng biyanan nya sa Sariaya, Quezon. Yung bahay na yun yung may silong na parang kubo lang. Yung bahay talaga sa probinsya ganun. So yung ate ko, nakahiga sya dun sa taas, nagbabasa ng pocket book. Wala siyang kasama dun sa bahay kasi kaming lahat nasa labas, nagkakape sa ilalalim ng santol mga 5 meters ang layo mula sa pintuan ng bahay. Yung bunsong sister-in-law ng ate ko nagpaalam saamin na sasama siya sa mga kaibigan nya na bibili ng itlog sa mazapan ( bakery na 1 Brgy. Siguro ang layo mula saamin.) Pinayagan sya, di umalis na sila. Ang suot nya ay white na sando, black na shorts. Tapos mga 10 mins. Siguro after nila umalis, nakita namin siya (yung bunsong kapatid ng asawa ng ate ko) na pumasok sa bahay pero sa kusina siya dumaan. Ang weird kasi nakayuko lang sya, habang nakalugay yung buhok nya na hanggang balikat nya so di namin kita ang mukha. ( Pero ang alam namin sya talaga yun. ) at dahil alam namin na nakauwi na sya, inutusan na sya ng MIL ng ate ko na magsaing kasi hapon na nun eeh. Pero di namin siya nakita na lumabas ng kusina. (My Ate's POV) kinuwento nya samin to. Nakahiga nga sya sa taas at nagbabasa ng pocket book. Yung pader sa gilid nya may malaking butas yun na makikita yung TV sa baba, tapos yung sofa, nakasandal dun sa pader na yun. Napansin daw ni ate na pumasok din yung bunsong sister in law nya pero nakayuko. Tapos umupo daw dun sa sofa na katapat ng ate ko. Hindi daw sya nagsasalita, hindi din nya binuhay yung TV. basta nakaupo lang sya dun, nakayuko. Tas napansin daw ng ate ko na iba yung amoy nya. Hindi daw ganun yung pabango na gamit nila sa bahay, kakaiba daw talaga. Tapos nun dahil nga hindi mautusan ng MIL ni ate yung anak nya na yun nagalit sya, tas nung pupunta na sya sa bahay para pagalitan, bigla daw tumayo at lumabas yung tao na yun sabi ni ate. Dumaan daw sa kusina pero kami na nasa labas, wala kaming nakitang lumabas nung mga oras na yun. Then after 20-30 mins. Nakauwi na yung tunay na bunsong sister in law ni ate. Pinagalitan sya nun ng sobra tas sabi nya "hindi naman ako bumalik dito kanina. Diba nagpaalam ako sainyo na sasamang bibili ng itlog? Kakauwi ko lang." Nung narinig namin yun grabe kilabot namin. Hanggang ngayon pag naaalala ko yun kinikilabutan parin ako. Di ko alam kung tiktik yun or whatever. Basta alam naming hindi tao yung nakita namin nung araw na yun. Buti nalang hindi napano yung ate ko. Ps. Salamat sa nagbasa kahit sobrang haba.