VITAMINS

KAILANGAN BA NI BABY NG KARAGDAGANG BITAMINA/SUPLEMENTO MALIBAN SA GATAS NG INA? Ang vitamin at mineral supplements ay hindi karaniwang kinakailangan para sa malusog at full-term na breastfed baby sa unang taon. Base sa pag-aaral, karamihan sa mga bitamina, fluoride, iron, tubig, juice, formula at pagkain ay hindi kapaki-pakinabang sa malusog na mga breastfed babies sa unang anim na buwan, at ang ilan ay maaaring maging mapanganib. ? Bitamina A Ang breastmilk ay isang natural at mahusay na mapagkukunana ng bitamin A. Ang pagsusulong ng pagpapasuso ay ang pinakamahusay na paraan upang maprotektahan ang mga sanggol mula sa kakulangan sa bitamina A. ? Bitamina B1 (Thiamine) Kung ang ina ay nakakakuha ng sapat na thiamine, kung gayon ang kanyang gatas ay sapat para sa sanggol at hindi kinakailangan ang mga pandagdag. ? Bitamina B2 (Riboflavin) Hindi inirerekomenda ang mga suplemento para sa mga breastfed babies, dahil ang kakulangan sa riboflavin ay bihira sa mga developed countries. ? Bitamina B6 Kung ang ina ay may sapat na dami ng bitamina B6, hindi na kailangan ng karagdagang suplemento para sa isang malusog na sanggol. Kung ang ina naman ay walang sapat na dami ng bitamina B6, ang pagdaragdag ng bitamina B6 sa diyeta ng ina ay mapapadami din nito ang dami ng bitamina sa kaniyang gatas. ? Bitamina B12 Ang mga sanggol ng mga inang may sapat na sustansya, ay hindi nangangailangan ng suplemento. Inirerekomenda na ang mga ina na hindi kumakain ng protina ng hayop o nanganganib sa kakulangan sa bitamina B12, ay makakakuha ng sapat na dami ng bitamina B12 sa panahon ng pagbubuntis o pagpapasuso sa pamamagitan ng suplemento o fortified foods. ? Bitamina C Ang mga breastfed babies ay hindi dapat na regular na sinusuplementohan ng bitamina C maliban sa mga kaso ng scurvy (vitamin C deficiency). Ang mga suplemento ng bitamina C sa ina ay hindi nito lubos na binabago ang dami sa gatas dahil nanatili itong pareho kahit gano kadami pa ang inumin ng ina (sa pag-aakalang ang ina ay kulang sa bitamina C). Pero para sa isang ina na kulang sa bitamina C, ang pagsuplemento ay makakatulong na itaas nito ang lebel ng bitamina C sa gatas. ? Calcium Ang mga breastfed babies ay hindi nangangailangan ng karagdagang calcium kaysa sa kanilang nakukuha mula sa breastmilk at complementary foods. ? Bitamina D Ang mga sanggol na nangangailangan ng suplementong ito ay ang mga walang sapat na sunlight exposure. Ang mga kadahilanan na naglalagay sa iyong breastfed baby sa panganib ng kakulangan sa bitamina D (rickets) ay: ▪ Ang sanggol ay mayroon lamang maliit na sunlight exposure. Halimbawa: Kung nakatira ka sa isang lunsod o bayan kung saan ang mga matataas na gusali at polusyon ay hinaharangan ang sikat ng araw, kung ang sanggol ay palaging ganap na natatakpan o nailalayo sa sikat ng araw, kung ang sanggol ay laging nasa loob, o kung palagi mong pinapahidan ng high-SPF sunscreen si baby. ▪ Parehong ina at sanggol ay may mas madidilim na kulay na balat at sa gayon ay nangangailangan ng higit pang paglalantad sa araw upang magkaroon ng sapat na halaga ng bitamina D. ▪ Kulang ang ina sa bitamina D - Ang halaga ng bitamina sD sa breastmilk ay nakasalalay sa katayuan ng bitamina D ng ina. Kung ang sanggol ay nakakakuha ng sapat na sikat ng araw, ang kakulangan ng bitamina D sa ina ay madalang na magiging problema kay baby. ? Bitamina E Walang mga kilalang kakulangan ng bitamina E ang inilarawan sa malulusog na sanggol na sumususo. ? Fluoride Sa kasalukuyan ay walang ebidensya na nagpapahiwatig na ang mga suplemento ng fluoride sa sanggol ay nagpapabuti sa kalusugan ng kanilang mga ngipin. Inirerekomenda ng American Academy of Pediatrics na ang mga suplemento ng fluoride ay bibigyan lamang pagkatapos ng anim na buwan, at sa mga bata na ang pangunahing mapagkukunan ng tubig ay kulang sa fluoride. ? Folid Acid (Foliate) Ang kakulangan sa folic acid ay wala pang naiuulat patungkol sa mga breastfed, full-term babies, at ang pagsuplemento ay hindi inirerekomenda. ? Iron Ang anemia ay bihira sa mga breastfed babies sa maraming mga kadahilanan: ▪ Ang mga malusog, full-term babies ay may sapat na nakatagong iron sa kanilang katawan na tatagal para sa unang anim na buwan depende sa sa sanggol. ▪ Ang iron sa gatas ng ina ay mas mahusay na naabsorb di gaya sa iba pang mapagkukunan. Ang bitamina C at mataas na antas ng lactose sa breastmilk ay tumutulong na mapabuti ang iron absoption. ▪ Hindi inilalabas ng breastfed babies ang iron sa kanilang bituka; ang gatas ng baka ay maaaring makairita sa lining ng bituka (na nagreresulta sa konting pagdudugo at pagkawala ng iron). ? Bitamina K Ang nakatagong bitamina K sa mga sanggol pagkapanganak ay mababa. Ang bitamina K ay kailangan para sa maayos na blood clotting, at ang kakulangan sa bitaminang ito ay nagdudulot ng Vitamin K deficiency bleeding (VKDB). Ang pagtaas na intake ng bitamina K ng mga ina ay nakakataas din ng bitamina K sa gatas. ? Zinc Ang mga malulusog na full-term babies ay hindi nangangailangan ng karagdagang zinc maliban sa kanilang nakukuha sa breastmilk at (pagkatapos ng anim hanggang walong buwan) sa complementary foods. Ang mababang timbang, maliit, at premature babies ay kadalasang nasa panganib ng kakulangan sa zinc. TANDAAN: Ayon sa pagsusuri, kapag ang ina ay may kakulangan sa isang partikular na nutrient, ang pagpapapabuti sa nutrisyon ng INA o kaya'y pagsusuplemento sa kaniyang diyeta ay mas epektibo kaysa ang pagbibigay ng suplemento sa sanggol. Sources: https://kellymom.com/nutrition/vitamins/vitamins/ https://kellymom.com/nutrition/vitamins/iron/ https://kellymom.com/nutrition/vitamins/vitamin-b12/ #breastfeeding #breastfeedingmom #breastfeedingmama #breastfeedingsupport #breastfeedingjourney #breastfeedingph #breastfeedingphilippines #breastfeedingisbeautiful #breastfeedingmomma #breastfeedingpinay #breastfeedwithoutfear #breastfedbaby #jamommyadventures